نوێ

dcd28421871ae53fa9c82efeb8f26c24-1

بۆچی ناڵێن هي ئایا خودا نێره‌ یان مێیه‌ ؟ بۆ وه‌ڵامی ئه‌م پرسیاره‌ هیچه‌ سه‌ره‌تا ده‌ڵێم ئه‌م گومانه‌ هی کڵێسایه‌ و قه‌شه‌کان دروستیان کردووه‌ . چونکه‌ لای ئه‌وان مسیح (ع) خودایه‌ و نێره‌ . وه‌ ئه‌م جۆره‌ گومانانه‌ شایانی وه‌ڵام دانه‌وه‌ نین !!؟؟
چونکه‌ خودا نابێت نێر بێت و نا بێت مێ بێت وه‌ ئه‌گه‌ر نێر بێت ده‌بێت مێیه‌کی هه‌بێت و ئه‌گه‌ر مێ بێت ده‌بێت نێرێکی هه‌بێت و ده‌بێت زاو زێ بکه‌ن و منداڵیان بێت و ئه‌و منداڵانه‌ش هه‌ر ده‌بن به‌ خودا و شیرازه‌ی گه‌ردون تێك ده‌چێت و هه‌ر خودایه‌ك به‌ ئاره‌زوی خۆی کار ده‌کات و سیفاتی نێر و مێی دوره‌ له‌ سیفاته‌کانی خوداوه‌
بۆیه‌ ده‌بینین هیچ کام له‌ سایده‌ عه‌ره‌بییه‌کان وه‌ڵامی ئه‌م گومانه‌یان نه‌داوه‌ته‌وه‌ . منیش بۆیه‌ وه‌ڵامی ده‌ده‌ مه‌وه‌ کوردی خۆمان داماون و به‌س کوردی ده‌زانن و نامه‌مان زۆر بۆ ده‌نێرن و ده‌ڵێن بۆچی له‌ سوره‌ت ی الاخلاصدا ده‌فه‌رموێت
قل هو الله‌ احد و نا فه‌رموێت هي الله‌ احد ؟ وه‌ دیاره‌ له‌ فیسبوك و له‌ ده‌ره‌وه‌ی فیسبوك ئه‌م پرسیاره‌ ده‌ور وژێنرێت . با سه‌ره‌تا بزانین ( هو ) مانای چییه‌ ؟ هه‌مو معجمه‌ عه‌ره‌بییه‌کان بگه‌ڕێن مانای ( هو ) و ( هي ) نا دۆزنه‌وه‌ !؟ چونکه‌ ئامڕازه‌ . به‌ڵام ابن فارس له‌ مقایس اللغه‌دا ده‌ڵێت :

هاء و واو یه‌کێك نین له‌ مه‌رجه‌کانی زمان وه‌ ئه‌سڵی وشه‌که‌ به‌ ته‌نها هائه‌ ( هـ ) عه‌ره‌ب واوی بۆ زیاد کردووه‌ بووه‌ به‌ (هُوَّ ) و (هُوْ ) بۆ ئه‌وه‌ی هائه‌که‌ قورس بێت و ده‌ڵێن ( هو ) لێره‌دا قسه‌ی ابن فارس ته‌واو ده‌بێت .
وه‌ك ده‌زانن (هـ یان ها ) له‌ هه‌مو زمانێکدا بۆ شتێکی نه‌زانراو به‌کار دێت یان کاتێك پرسیارمان لێ ده‌کرێت و شته‌که‌ نازانین یان وه‌لاممان پێ نییه‌ ده‌ڵێین ( ها ) بۆیه‌ له‌ زمانی عه‌ره‌بیشدا بۆ غائب نادیار به‌کار دێت . فه‌رمون ئه‌مه‌ش سه‌رچاوه‌ی اابن فارس

http://shamela.ws/browse.php/book-21710#page-2480

وه‌ ئه‌گه‌ر ( هو و هي ) بۆ جیاکردنه‌وه‌ی نێر و مێ به‌کار بهاتایا سوره‌تی ( الاخلاص ) باشترین به‌هانه‌ ده‌بو بۆ موشریکه‌کانی قوره‌یش بۆ ئه‌وه‌ی قورئان و منهجی ئیسلامی پێ پوچه‌ڵ بکه‌نه‌وه‌ . چونکه‌ قورئان تانه‌ له‌ بته‌کان و خوداکانیان ده‌دات و له‌ ئایه‌تی 39 ی الطوردا ده‌فه‌رموێت : ام له‌ البنات و لکم البنون ؟
واتا ئێوه‌ ده‌ڵێن فریشته‌کانی خودا کچن و که‌چی خۆتان کچتان قبوڵ نییه‌ و به‌ سوك سه‌یریان ده‌که‌ن . بۆچی خودا کچی هه‌بێت و ئێوه‌ خۆشتان دژی کچن ؟ خۆ عه‌ره‌به‌کانی قوره‌یش زۆر شاره‌زا بون بۆچی نه‌یان گوت خۆ خوداکه‌ی ئێوه‌ش نێره‌ و قورئانه‌که‌تان ده‌ڵێت ( هو الله‌ احد ) ؟ یان له‌ سوره‌تی النجمدا ده‌فه‌رموێت
أفرأيتم اللات والعزى ( 19 ) ومناة الثالثة الأخرى ( 20 ) ألكم الذكر وله الأنثى . لێره‌دا خودای باڵا ده‌ست سه‌ر زه‌نشتی موشریکه‌کان ده‌کات و لات و عزا و مناة که‌ سێ خودای گه‌وره‌ی بت په‌رسته‌کان بووه‌ . موشریکه‌کان ده‌یان گوت ئه‌م سێ بته‌ خودامانن و کچی خودان واتا بته‌کانیان مێیه‌ . به‌لام خۆشیان ڕقیان له‌ مێ بو له‌ هه‌مان کاتیشدا خوداکانیان مێ بون
ئایا ئه‌گه‌ر ( هو الله‌ احد ) به‌ مانای نێر بهاتایا ئه‌وه‌ باشترین به‌ڵگه‌ نه‌بو به‌ده‌ست موشریکه‌کانه‌وه‌ بڵێن خۆ خوداکه‌ی محمدیش نێره‌ ئه‌وه‌تا ئێوه‌ ده‌ڵێن قل هو الله‌ احد ئیتر بۆچی سه‌رزه‌نشتمان ده‌که‌ن ؟ ئایا نه‌یان ده‌توانی قورئان پوچه‌ڵ بکه‌نه‌وه‌ ؟
ئایا عه‌ره‌بی قوره‌یش زاناتر بون له‌ زمانی عه‌ره‌بیدا یان قه‌شه‌یه‌کی کڵێسا که‌ دێت ئه‌م گومانانه‌ دروست ده‌کات ؟ به‌ڵێ به‌ڕێزان نێر و مێ له‌ هه‌مو زمانه‌کانی جیهاندا هه‌یه‌ و دو جۆرن ڕاستی و نا ڕاستی وه‌ نێر یان مێی راستی ده‌بێت یان زه‌که‌ر یان فه‌رجی هه‌بێت و هی ناڕاستیش ئه‌وه‌یه‌ کۆ ئه‌ندامی زاوزێی نییه‌
بۆ نمونه‌ ( ڕۆژ و ئاسمان ) مێیه‌ . که‌واتا نێره‌که‌ی ده‌بێت چی بێت ؟ به‌ڵام ( مانگ القمر ) نێره‌ ئه‌ی که‌واتا ده‌بێت مێیه‌که‌ی چی بێت ؟ بۆیه‌ به‌ڕێزان خودای تعالی هاوشێوه‌ی نییه‌ ( لیس کمثله‌ شئ ) وه‌ك خۆی ده‌فه‌رموێت له‌ قورئاندا

وه‌ هه‌ر سوره‌تی ( الاخلاص ) خۆی وه‌ڵامی گومانی ئه‌و قه‌شه‌ نه‌شاره‌زایانه‌ ده‌داته‌وه‌ و ده‌فه‌رموێت لم یلد و لم یولد . نه‌ که‌سی لێ بووه‌ و نه‌ که‌سی لێ ده‌بێت واتا نه‌ نێره‌ و نه‌ مێیه‌ . پاشان ده‌فه‌رموێت و لم یکن له‌ کفوا احد . واتا هیچ هاوشێوه‌یه‌کیشی نییه‌ !؟
به‌ڵام ئه‌م قه‌شانه‌ هاتون ئه‌م گومانانه‌ بڵاو ده‌که‌نه‌وه‌ و سه‌ر له‌ گه‌نجی کوردی داماویش تێك ده‌ده‌ن چونکه‌ داماوه‌ کوردیه‌که‌ی خۆی باش نازانێت ئه‌و دێت به‌ ( هو و هي ) سه‌ری لێ تێك ده‌دات . مه‌به‌ستم ئه‌وه‌یه‌ نه‌ك کورد به‌ڵکو هیچ قه‌ومێك زمانی خۆی به‌ ته‌واوی نازانێت و ناتوانێت به‌ هه‌مو دیالێکته‌کان قسه‌ بکات و لێێان تێ بگات !!؟

بۆ ئه‌وه‌ی زیاتر تێ بگه‌ن له‌ ( هو ) که‌ بۆ جیاکردنه‌وه‌ی نێر و مێ نییه‌ و کاکی قه‌شه‌ی نه‌زان دێت گومان دروست ده‌کات له‌ ئایه‌تی 204 ی البقره‌دا ده‌فه‌رموێت : و من الناس من یعجبك قوله‌ في الحیاة الدنیا و یشهد الله‌ علی ما في قلبه‌ ( وهو ) الد الخصام . لێره‌دا باسی ( الناس ) ده‌کات ناس واتا خه‌ڵکی وه‌ کۆیه‌ به‌ڵام ده‌فه‌رموێت ( و هو الد الخصام ) واتا ئه‌و گه‌وره‌ترین ڕکابه‌ره‌ . ئه‌ی خۆ لێره‌دا باسی کۆ ده‌کات ( الناس ) ده‌بێت بڵێت ( وهم ) نه‌ك ( و هو ) پاشان خه‌ڵکی له‌ هه‌مو زمانێکدا تێکه‌لاون و نێر و مێ پێی ده‌گوترێت خه‌ڵکی ئه‌ی بۆچی به‌ ( هو ) ناوی براوه‌ ئایا مه‌به‌ستی نێره‌کانیانه‌ یان مێیه‌کانیان ؟

یان له‌ ئایه‌تی 222 ی البقره‌دا ده‌فه‌رموێت : و یسالونك عن المحیض ( قل هو اذی ) لێره‌دا باسی سوڕی مانگانه‌ی ئافره‌ت ده‌کات ده‌بوایا بیگوتایا ( قل هي اذی ) چونکه‌ سوڕی مانگانه‌ بۆ مێیه‌ نه‌ك بۆ نێر !؟ یان له‌ ئایه‌تی 37 ی ال عمراندا کاتێك زه‌که‌ریا ده‌بینێت مریم خواردنی لایه‌ لێی ده‌پرسێت ئه‌مه‌ت له‌ کوێ بو ؟ مریمیش ده‌ڵێت ( هو من عند الله‌ ) خواردنیش یه‌ك جۆر نین و جۆرا و جۆرن بۆچی ناڵێت ( هم من عند الله‌ ) ؟ ئایا لێره‌دا ( هو ) بۆ خواردنی نێره‌ یان مێیه‌ ؟

یان له‌ ئایه‌تی 85 ی ال عمراندا ده‌فه‌رموێت : و من یبتغ غیر الاسلام دینا فلن یقبل منه‌ ( و هو ) في الاخرة من الخاسرین . لێره‌دا ( و من ) نه‌ ناسراوه‌ و بۆ نێر و مێ به‌کار دێت بۆچی ده‌فه‌رموێت ( و هو ) ئایا لێره‌دا به‌س نێره‌کان له‌ ئاخر زه‌ماندا زه‌ره‌ر مه‌ند ده‌بن ؟ که‌واتا ئه‌گه‌ر به‌ گوێره‌ی تێگه‌یشتنی ئه‌وان بێت ئافره‌ت ئازاده‌ و چی دینێك هه‌ڵ ده‌بژێرێت زه‌ره‌ر مه‌ند نابێت چونکه‌ ئایه‌ته‌که‌ ه‌ڵێت ( و هو من الخاسرین ) وه‌ ناڵێت ( و هي من الخاسرین )

به‌ڕێزان نمونه‌ زۆر زۆرن له‌ قورئاندا و خۆشتان ده‌توانن بگه‌ڕێن و له‌ یه‌که‌م کۆمێنتدا چه‌ند دانه‌یه‌کم بۆ داناون و بۆ ئه‌وه‌ی بابه‌ته‌که‌ دور و درێژ نه‌بێت کۆتا بزمار ده‌ده‌م له‌ ئه‌قڵ و هزری کڵێسا و ده‌ڵێم :

له‌ ئایه‌تی 124 ی النسائدا ده‌فه‌رموێت : و من یعمل من الصالحات ( من ذکر و انثی و هو مؤمن ) واتا هه‌رکه‌س له‌ نێر و مێ کاری چاکه‌ بکات وه‌ ئیماندار بێت . دیقه‌ت بده‌ن لێره‌دا ( ذکر و انثی ) هاتوه‌ واتا نێر و مێ کاری چاکه‌ بکه‌ن کاتێك ده‌ڵێن نێر و مێ واتا کۆیه‌ ده‌بێت بڵێت ( و هم ) به‌ڵام ده‌فه‌رموێت ( و هو مؤمن ) لێره‌دا باسی نێر و مێکه‌ش کراوه‌ بۆچی ( هو ) به‌کار هاتووه‌ ئایا ( هو ) بۆ نێره‌کانیانه‌ یان مێکانیان ؟
ئه‌گه‌ر به‌ گوێره‌ی تێگه‌یشتنی کڵێسا و قه‌شه‌کان بێت لێره‌دا به‌س به‌ ته‌نها باسی نێره‌کان ده‌کات چونکه‌ نوسراوه‌ ( و هو مؤمن ) ئه‌ی که‌واتا بۆچی نوسراوه‌ ( من ذکر و انثی ) له‌ نێر و له‌ مێ ؟ ئاده‌ی کاکی قه‌شه‌ ئه‌م لوغزه‌مان بۆ حه‌ل بکه‌ و بزانین هو بۆ کامیانه‌ ذکر یان انثی ؟