نوێ

zhyan namay bangxwazan

تەنها بەچەند بانگخوازێک هەموو جیهانیان هەژاندوە
وەهیچ کامێکیان عەرەب نییە لەم بانگخوازانە
کەچی چەندەها هەزارکەسیان لەسەردەستیان مسولمان بووە

احمد دیدات
ناوی (ئه‌حمه‌د حوسه‌ین دیدات)ه‌، له‌ ساڵی ١٩١٨ی زایینی له‌ شاری (تادکیشنار) وولایه‌تی سوارات (ی هندیی) له‌ بنه‌ماڵه‌یه‌کی هه‌ژار و که‌مده‌ست له‌دایك بووه‌ .
پاشان باوکی کرد بۆ (باشووری ئه‌فه‌ریقا) له‌ ماوه‌یه‌کی که‌م پاش له‌ دایک بوونی، کاتێک ته‌مه‌نی گه‌یشته‌ (٩) ساڵ دایکی وه‌فاتی کرد و ئه‌ویش کۆچی کرد بۆ لای باوکی له‌ ساڵی ١٩٢٧ی زاینی.
قوتابخانه‌ی له‌ ته‌مه‌نی (١٠) ساڵی دا ده‌ست پێ کرد تاکو پۆلی شه‌شه‌می ته‌واو کرد، به‌ڵام له‌به‌ر که‌مده‌رامه‌تی و هه‌ژاری خێزانه‌که‌ی فشارێکی زۆری خسته‌ سه‌ر ئه‌وه‌ی که‌ نه‌توانێت به‌ ڕێک و پێکی بواری خوێندی ته‌واو بکات.
ده‌ستی به‌ کارکردن کرد له‌ ساڵی ١٩٣٤ی زایینی و‌ خه‌ریکی فرۆشیاری بوو له‌ دووکانێکی خوارده‌مه‌نی
له‌ سه‌ره‌تای په‌نجاکاندا یه‌که‌م نوسراوی خۆی ده‌رکرد له‌ ژێر ناونیشانی : (ماذا یقول الکتاب المقدس عن محمد _صلی الله علیه‌ وسلم_؟) واتا* (چی ده‌ڵێت کتێبی پیرۆز سه‌باره‌ت به‌ محمد _سه‌ڵات و سه‌لامی خوای لێ بێ_؟)، پاش ئه‌و کتێبه‌ی به‌ناوبانگترین نووسراوه‌ی تر خۆی ده‌رکرد له‌ ژێر ناونیشانی ((هل الکتاب المقدس کلام الله؟)) واتا* (ئایا کتێبی پیرۆز وته‌ی خوایه؟).
له‌ ساڵی ١٩٥٩ی زاینی شێخ (أحمد دیدات) ده‌ستی له‌ کار کردن کێشایه‌وه‌ بۆ خۆ ئاماده‌کردن بۆ ئه‌رکێکی گه‌وره‌ و گران و ڕووبه‌ڕووبوونه‌وه‌یه‌ک له‌نێوانی (ڕاست و ناڕاست)، بۆ بانگه‌وزا و ڕوونکردنه‌وه‌ی ڕاستیه‌کان، بانگه‌واز بۆ دینه‌ ڕاسته‌قینه‌که‌ی په‌روه‌ردگار که‌ هیچ گۆمانێکی تێدا نییه وه‌ به‌رپه‌رچدانه‌وه‌ی نه‌یاران و بۆختان چییه‌کانی دژ به‌ ئیسلام‌، ڕووبه‌ڕوو بوونه‌وه‌ له‌گه‌ڵ خاوه‌ن کتێبه‌ ئاسمانی یه‌کان وه‌ به‌ تایبه‌ت له‌گه‌ڵ (نه‌صرانییه‌کان)‌، ئه‌وه‌ بوو له‌و ماوه‌یه‌ دا بانگه‌شه‌ی گفتوگۆی ده‌کرد و داوای ڕوو به‌ڕوو بوونه‌وه‌ی ده‌رکرد ده‌رهێنای ڕاستی یه‌کان و پوچه‌ڵکردنه‌وه‌ی گۆمان و گومڕابوونه‌کان که‌ خاوه‌ن کتێبه‌ ئاسمانی یه‌کان دوای که‌وتوون و بونه‌ته‌ چه‌واشه‌ کردنی خه‌ڵک و وونکردنی ڕاستیه‌کان. له‌و ماوه‌یه‌ چه‌نده‌ها کۆڕی تایبه‌ت و گشتی گێڕاو له‌گه‌ڵ گه‌وره‌ پیاونی (نه‌صرانی) که‌ پێیان ده‌وترێت (قه‌سیس) نمونه‌یان: کلارک ، جیمي سواجارت ، أنیس شروش.
(٠٨/٠٨/٢٠٠٥) له‌ ته‌مه‌نی (٨٧) ساڵیدا له‌ ماڵه‌که‌ی خۆی له‌ ناوچه‌ی (فیرولام) له‌ ئیقلیمی (کوازولوناتال) له‌ (باشووری ئه‌فه‌ریقا) دا له‌ دوای ئه‌و ماوه‌یه‌کی درێژ که‌ به‌ نه‌خۆشی مابوه‌وه‌، شێخ (ئه‌حمه‌د دیدات) هه‌تا هه‌تایه‌ بووه‌ به‌ڵگه‌یه‌ک له‌سه‌ر (نه‌صراییه‌کان)، شێخ (أحمد دیدات) هه‌میشه‌ له‌ خزمه‌تی ڕێگای ئیسلام بوو

==================
یوسف ئه‌ستێس
له‌ ساڵی 1944 له‌ ولایه‌ته‌ یه‌كگرتووه‌كانی ئه‌مریكا له‌ خێزانێكی مه‌سیحی پرۆستانت له‌ دایكبووه‌ ،له‌ساڵی 1974 بڕوانامه‌ی ماجستێرله‌ هونه‌ره‌كان و بڕوانامه‌ی دكتۆرا له‌ زانستی لاهوت(عه‌قیده و بیرباوه‌ڕی مه‌سیحییه‌كان) به‌ ده‌ست هێناوه،له‌ ساڵی 1991 هاتۆته‌ ناو ئاینی ئیسلامه‌وه‌ له‌گه‌ڵ هاوسه‌ركه‌ی و باوكی و زڕدایكی،پاشان فێری زمانی عه‌ره‌بی بوو چه‌ند توێژینه‌وه‌یه‌كی له‌سه‌ر ئیسلام كردووه‌ له‌ نێوان ساڵانی 1991-1998،له‌ پاڵ ئه‌مانه‌شدا بانگه‌وازی بۆ ئاینی ئیسلام ده‌كرد له‌ ولایه‌ته‌ یه‌كگرتووه‌كانی ئه‌مریكا،به‌ هۆی ئه‌وه‌ی كه‌سێك زۆر خۆشه‌ویسته‌ له‌ لای گه‌وره‌ و بچوك
ناسراوه‌ به‌ …. ،له‌سه‌رده‌ستی هه‌زاران گه‌نجی دانشتووی ئه‌مریكا و ئه‌وروپا هاتونه‌ته‌ ناو ئاینی ئیسلامه‌وه‌
====================
خالد یاسین أبو محمد
له‌ ساڵی 1946 له‌ ئه‌مریكا له‌ دایكبووه‌ و ئێستا له‌ به‌ریتانیا ده‌ژێت،له‌ شاری مه‌دینه و له‌ نیمچه‌ دوورگه‌ی عه‌ره‌ب و له‌ مسڕ زمانی عه‌ره‌بی خوێندووه‌،ئێستا به‌ڕێوبه‌ری په‌یمانگای فێركردنی ئیسلامیه‌ (…)كه‌ ڕێكخراوێكه‌ بانگه‌واز بۆ ئاینی ئیسلام ده‌كات له‌ ماوه‌ی هه‌وڵه‌كانیدا توانیویه‌تی زیاتر له‌ 6000 كه‌س بهێنێته‌ ناو ئاینی ئیسلامه‌وه‌،كه‌سێكه‌ له‌ ناو خه‌ڵكدا به‌ بانگخوازێكی به‌ غیره‌ت ناسراوه‌ و هه‌میشه‌ جه‌خت له‌ فه‌رمانه‌كانی ئاینی ئیسلام به‌ گه‌وره‌ زانینی پیرۆزییه‌كانی ئیسلام ده‌كاته‌وه‌.
===================
دكتۆر زاكیر عبدالكریم نایك
قوتابی شێخ ئه‌حمه‌د دیداته‌ -به‌ ڕه‌حمه‌ت بێت- له‌ هندستان له‌ 18ی 10ی ساڵی 1965 له‌ دایكبووه‌،بڕوانامه‌ی به‌ كالۆریۆسی هه‌یه‌ له‌ زانكۆی بۆمبای له‌ هندستان له‌ بواری پزیشكی گشتی،ئێستا سه‌رۆكی دامه‌زراوه‌ی توێژینه‌وه‌ی ئیسلامییه‌ له‌ هندستان ، قورئانی پیرۆزی به‌ ته‌واوی به‌ شێوه‌یه‌كی سه‌رسوڕهێنه‌ر به‌ ژماره‌ی سوڕه‌ت و ئایه‌ت و لاپه‌ڕه‌ له‌به‌ركردووه،له‌گه‌ڵ ئه‌وه‌ی زمانی عه‌ره‌بی نازانێت،هه‌روه‌ها چوار ئینجیله‌كه‌ و چه‌ندین كتێبی مه‌سیحییه‌كان و جوله‌كه‌كان و بودییه‌كان و هندۆسه‌كانی له‌به‌ركردووه‌ به‌ چه‌ندین زمانه‌وه‌.وه‌ چه‌ندین كۆڕی ڕێكخستووه‌ له‌ له‌ زۆربه‌ی وڵاتانی جیهان،وه‌ كۆمه‌ڵێكی زۆر له‌سه‌ر ده‌ستی هاتونه‌ته‌ ناو ئاینی ئیسلامه‌وه‌،خاوه‌نی كه‌ناڵی … (ئاشتی)یه‌ كه‌ په‌خش ده‌كرێت له‌ 100 وڵاتی جیهان له‌ ئه‌وروپا و ئاسیا و ئه‌فریقا و ڕۆژهه‌ڵاتی ناوڕاست به‌ تایبه‌تی
===================
عبدالرحیم گرین(سه‌وز)
بانگخوازێكی به‌ریتانییه‌ له‌ ته‌نزانیا له‌ ساڵی 1962 له‌ دایكبووه‌.سه‌ره‌تا مه‌سیحی بووه‌ هه‌موو زانسته‌كانی ئه‌و ئایینه‌ی خوێندوه‌،پاشان به‌هۆی سه‌رسامیییه‌وه‌ به‌ بیروباوه‌ڕه‌كانی بوذا بووه‌ به‌ بوذی ،به‌ڵام له‌ دوای ئه‌وه‌ی قورئانی خوێنده‌وه‌ هاته‌ ناو ئاینی ئیسلامه‌وه‌ كه‌ ئه‌و كاته‌ ته‌مه‌نی 19 ساڵ بوو،سه‌ره‌تا له‌ ڕوكنی گفتوگۆ ده‌ستیكرد به‌ بانگه‌واز(ڕوكنی بانگه‌واز یه‌كێكه‌ له‌ ڕوكنه‌ پاڕكی ئه‌لهاید له‌ له‌نده‌ن شوێنی چالاكییه‌ مه‌ده‌نیی و ئایینیه‌كانه‌)،هه‌روه‌ها ئێستا سه‌رۆكی ڕێكخراوی بانگه‌وازی (ئه‌ریا)یه‌ .هه‌روه‌ها چه‌ندین چالاكی بانگه‌وازی ه‌یه‌ له‌ ناوه‌وه‌ و ده‌ره‌وه‌ی به‌ریتانیا
================
أبو حمزة صلاح الدین پییه‌ر فۆگڵ
پاڵه‌وانی پێشووی ئه‌ڵمانیایه‌ له‌ یاری زۆرانبازی ئازاد،له‌ له‌ 20ی 7ی 1978 له‌ دایكبووه‌،له‌ ساڵی 2001 موسڵمان بووه‌ .هه‌روه‌ها چوو بۆ شاری مه‌ككه‌ و له‌وێ به‌ ڕێكخراوی عه‌ره‌بی بۆ بیانییه‌كان گه‌یشت له‌ زانكۆی أم قری بۆ زانسته‌ شه‌رعییه‌كان.دواتر له‌ ساڵی 2006 ده‌گه‌ڕێته‌وه‌ بۆ ئه‌ڵمانیا بۆ پێشكه‌شكردنی سمیناره‌كانی ده‌رباره‌ی ئیسلام،له‌ به‌رهه‌می سمیناره‌كانی هه‌زاره‌ها كه‌س موسڵمان بوونه‌ له‌سه‌ر ده‌ستی وه‌ ناسراوه‌ به‌ (فاتحی ئه‌ڵمانیا)
=================
عبدالله نیكۆلاس أبو عمار
بانگخوازێكی سویسڕێیه‌ له‌ ساڵی 1983 له‌ دایكبووه‌ له‌ ته‌مه‌نی 16 ساڵیدا موسڵمان بووه‌ زمانه‌كانی ئه‌ڵمانی و فه‌ڕه‌نسی و عه‌ره‌بی ده‌زانێت .سه‌رۆكی ئه‌نجومه‌نی شوڕای ئیسلامییه‌ له‌ سویسڕا .له‌ گه‌وره‌ترین سمیناریدا خه‌ڵكانێكی زۆر بوون به‌ موسڵمان له‌سه‌رده‌ستی ،به‌ ڕۆژ و شه‌و به‌رگری له‌ ئیسلام ده‌كات هه‌روه‌ها خاوه‌نی پڕۆژه‌ی ته‌فسیركردنی قورئانه‌ بۆ زمانه‌كانی ئه‌وروپا
====================
حه‌مزه‌ ئه‌ندریاس تزورتزس
له‌ 21ی 9ی ساڵی 1980 له‌ دایكبووه‌ ،چه‌ندین سمیناری نێوده‌وڵه‌تی هه‌یه‌ له‌ زانكۆ به‌ناوبانگه‌كانی ئه‌مریكا و ئوسترالیا وهۆڵندا ومالیزیا و كه‌نه‌دا و لوبنان.هه‌روه‌ها چه‌ندین كتێب و ڕاپۆرت و توێژینه‌وه‌ی نوسیوه‌ له‌ پێگه‌ی خۆی چلاكییه‌كانی بڵاو ده‌كاته‌وه‌ هه‌روه‌ها گقتوگۆ و موناقه‌شه‌ی له‌گه‌ڵ چه‌ندین پڕۆفیسۆری به‌ناوبانگی جیهان كردووه‌ كه‌ كاریگه‌ر بوون به‌ هزری مادییبوون له‌وانه‌ پڕۆفیسۆر لۆرانس كراوس،پڕۆفیسۆر سایمۆن بلاكبێر ،پڕۆفیسۆر كین گیمس و دان باكر،هه‌روه‌ها به‌شداری چه‌ندین مێزگردی جیهانی كردووه‌ له‌وانه‌ (ئایا خودا بوونی هه‌یه‌؟)(بۆچی ئیسلام؟)(موعجیزه‌ی قورئان)